Mættir: Sigríður Jóhannesdóttir, Ina Leverköhne, Ragnar Skúlason, Sigurður Þór Guðmundsson og Einar Guðmundur Þorláksson.

Oddviti setti fundinn kl 20:15

1.     Sameiningarviðræður Svalbarðshrepps við Langanesbyggð

Sigurður fór yfir bókun frá sveitarstjórn Langanesbyggðar um sama viðfangsefni frá 18. febrúar síðastliðnum. Langanesbyggð skipaði fulltrúa til óformlegra sameiningar-viðræðna við Svalbarðshrepp. Hreppsnefnd Svalbarðshrepps skipar 3 hreppsnefndarmenn til að funda með fulltrúum Langanesbyggðar í óformlegum sameiningarviðræðum. Fyrir hönd Svalbarðshrepps fara Sigurður Þór Guðmundsson, Einar Guðmundur Þorláksson og Ragnar Skúlason.

2.     Lóð á Sævarlandi

Lögð fram hnitsett teikning af lóð undir sumarbústað Björns Þórissonar. Teikningin unnin af Maríu Svanþrúði 6.10.2020.

Samþykkt af hreppsnefnd án athugasemda.

3.     Byggingarleyfi Ytra-Álandi

Fundargerð frá byggingarnefnd frá 30.12.2020 hvað varðar byggingarleyfi fyrir Skúla og Bjarnveigu vegna tækjageymslu, 63,2 fm.

Fundargerðin samþykkt samhljóða.