Íbúar

Svalbarðshreppur

Handavinnukvöld hjá Hönnu í Hvammi Hreppsnefndarfundur verður haldin í Svalbarðsskóla Þriðjudaginn 18. Febrúar kl 20. Súpukvöldin slá í gegn Útskornir

Fréttir

Handavinnukvöld hjá Hönnu í Hvammi

Almennt - sunnudagur 23.febrúar 2020

Það er alltaf líf og fjör hjá Kvenfélagi Þistilfjarðar.
Fimmtudaginn  6.febrúar boðaði   Hanna Sigfúsdóttir til handavinnukvölds í Hvammi. 
Hanna bauð  upp á höfðinglegar veitingar eins og hennar er von og vísa og kvöldið leið við gleði og gaman hjá þessum hressu kvenfélagskonum. 

Hreppsnefndarfundur verður haldin í Svalbarðsskóla Þriðjudaginn 18. Febrúar kl 20.

Almennt - mánudagur 17.febrúar 2020

Dagskrá

1.      Erindi frá SSNE

2.      Sameining sveitafélaga

3.      Kaup á hlut í Leikskóla á Þórshöfn

4.      Samningur um félagsþjónustu

5.      Erindi frá HSÞ.

6.      Eigenda samkomulag Langanesbyggðar og Svalbarðshrepps á Fjarskiptafélagi

7.      Önnur mál.

Oddviti


Súpukvöldin slá í gegn

Almennt - fimmtudagur 13.febrúar 2020

Tekin var upp sú nýbreytni að bjóða til súpukvölds reglulega, það fyrsta var haldið  í byrjun janúar. Svalbarðshreppur boðar til þessara samverustunda.  Súpukvöldin eru haldin annað hvert þriðjudagskvöld  í Svalbarðsskóla.
Öllum er velkomið að  koma og ræða málin, og snæða brauð og súpu.  Ungir jafnt  sem aldnir mæta.


Útskornir listmunir eftir Trausta Ragnarsson

Almennt - sunnudagur 12.janúar 2020

Trausti er búsettur á Þórshöfn ásamt konu sinni Aðalbjörgu Sigfúsdóttur frá Hvammi. Trausti er Eskfirðingur að ætt og uppruna. Hann hefur framleitt ótal listaverk í gegnum árin og er mikill hagleiksmaður.
Á þessum myndum má sjá nokkur sýnishorn af munum sem hann hefur skorið út í vetur en klukkuna skar hann út fyrir nokkrum árum.

sjá myndir hér:



Áramótabrenna við Hundsvatn

Almennt - sunnudagur 05.janúar 2020

Hópur fólks á öllum aldri var við áramótabrennuna við Hundsvatn í Þistilfirði í dag. 
Sumir tóku góðar sveiflur á skautum á ísnum, eða renndu sér á snjóþotum. Boðið var uppá ljúffengt  kakó sem fólkið kunni vel að meta. Skemmtilegur fjölskyldudagur í sveitinni.

myndir í myndasafninu



 

Skoða allar fréttir

Framsetning efnis

moya - Útgáfa 1.13 2009 - Stefna ehf